Përgjithësisht politika është “Aisberg” ku vetëm një e treta duket.
-Personalisht nuk kam pritur që asnjë shtet europian apo vetë SHBA-të të ishin pro lëvizjes së Albin Kurtit, pavarësisisht se Kosova është në të drejtën e saj për të mbrojtur dhe administruar territorin e saj të komunave të veriut.
– Europa dhe SHBA-të kanë një parim të heshtur kur ka konflikte të kësaj natyre, “për arsye të qetësisë në rajon, të sakrifikojnë lirinë e më të dobëtit, në këtë rast lirinë e Kosovës”, kështu e ka ma të lehtë për të shuar tensionet.
– Për ata një shtet i varfër ekonomikisht dhe ushtarakisht, një shtet i sapo krijuar, një shtet pothuajse nën kontrollin ndërkombëtar, një shtet me liri të kufizuar, etj, mund të “dhunohet” lehtësisht prej organizmave ndërkombëtarë.
– Tërheqja e Albinit çon në asosacionin e komunave të veriut të Kosovës që do të thotë afërsisht ti humbasësh ato, keq, mos tërheqja kur ta kërkon ai që po të mbron nga Serbia, akoma më keq.
Zgjidhja?!
Pyetje që kërkojnë përgjigje,
– A është Kosova e aftë të administrojë forcërisht komunat e veriut pa ndërkombëtarët?
– A është Kosova e aftë të mbrojë territorin e saj e vetme pa NATO-n dhe SHBA-të?
– A mos vallë edhe Albini ka ndonjë udhëzim të heshtur për të nisur një veprim të tillë?
– A mos është kjo një atak prove e NATO-s dhe SHBA-së ndaj Rusisë?
– A mos…..
– Mbështes presionin e vazhdueshëm dhe trysninë ndaj ndërkombëtarëve të qeverisë së Kosoves si në rastin konkret, pavarësisht se çfarë rezultati do arrijë.
– Deklarohem në mbrojtje të pavarësisë së Kosovës në të gjithë territorin etnik të saj.
“Një fëmijë që nuk qan nuk i japin të hajë”.
