Një ditë Thomas Edison kthehet në shtëpi nga shkolla dhe i jep një letër nënës së tij duke i thënë: “Këtë letër ma dha mësuesi dhe më kërkoi t’ja jepja vetëm nënës time”.
Nëna i kishte sytë plot me lot, kur filloi t’ja lexonte letrën edhe të birit me zë të lartë:
-“Djali juaj është një gjeni. Kjo shkollë është shumë e vogël për të dhe nuk ka mësues aq të aftë sa ta përgatisin atë siç duhet. Ju lutem mësojeni vetë atë”.
Shumë vite më vonë, pasi e ëma e Edisonit kishte vdekur dhe ai ishte bërë një nga shpikësit më të mëdhenj të shekullit, po shikonte nëpër gjerat e vjetra të shtëpisë. Në një cep gjeti letrën e mësuesit që i kishte dhënë nënës dikur. E mori dhe e hapi. Aty shkruhej:
-”Djali juaj është i paaftë mendërisht, ndaj ne nuk mund ta pranojmë të vijë përsëri në këtë shkollë”
Edison qau për orë te tëra, me pas shkroi në ditarin e tij:
-”Thomas Alva Edison ishte një fëmijë i paaftë mendërisht, dhe nëse u bë gjeniu siç thonë të tjerët u bë vetëm falë nënës së tij heroinë”
E solla këtë histori aq sa interesante dhe motivuese, edukuese dhe frymëzuese për çdo prind apo mësues, të cilët duhet të kenë në misionin e tyre edukues disa parimi:
-Prindër dhe mësues, mos u nxitoni të nxirrni përfundime sipërfaqësore e të pastudiuara mirë, në lidhje me fëmijët se gaboheni.
– Mësuesi nuk duhet të nxjerri përfundim të menjëhershëm për nxënësit, se krijon gjendje të rënduar te nxënësi dhe prindërit. Duhet njohur thellësisht temperamenti i nxënësit, duhet futur në botën e brendshme të tij, duhet punuar me përgjegjësi për të parë aftësit, zhvillimin mendor dhe më pas harton strategjinë, për t’i zhvilluar njohuritë e nxënësve, për të nxitur zhvillimin e mëtejshëm të aftësive mendore, kur jonë të talentuar, ose për t’i nxjerr nga prapambetja, kur paraqesin dobësi.
– Çdo prind duhet të jet i kujdesshëm në komunikimin me fëmijët e tyre. Psikolog dhe mësues i parë dhe shumë i rëndësishëm për fëmijët, janë prindërit. Prindi është për natë e për ditë me fëmijët, ja di mirë aftësitë dhe temperamentin dhe mbi këto baza rregullon komunikimin dhe ndërtën punën, për ti edukuar dhe mësuar, në bashkëpunim të ngushtë me shkollën.
– Shenim: Edison është konsideruar si shpikësi i tretë në histori, duke mbajtur 1.093 patenta të SHBA në emrin e tij, si dhe shumë patentave në Mbretërinë e Bashkuar, Francë e Gjermani.
Nga muri i prof. Bilal Asllana
