Balil Gjini/ Ne, vdekëtarë të zakonshëm, s’do të kemi mundësi t’i shijojmë bukuritë e vendit tonë.

Na thonë se një nga plazhet më të bukura, atë të Manastirit, në Sarandë, e ka marrë në pronësi kompania e Edi Ramës, Air Albania.
Ka filluar hedhja e shkëmbinjve në erë me tritol e dinamit, sepse do të ndërtohen vila që do të kushtojnë nga treqind mijë, gjer në një milionë euro. Do të jetë një plazh privat, ku do të lejohen të hyjnë veç perënditë e këtij vendi, pasunarët. Ne, të tjerët, vdekëtarë të zakonshëm, s’do të kemi mundësi t’i shijojmë bukuritë e vendit tonë.
Sjellje të tilla harbute janë shumë fyese e poshtëruese. Flas sepse s’mund ta duroj këtë poshtërim që na bëhet kudo: në rrugë, në spitale, në institucione, në plazhe. Ju, të tjerët, bëni si të doni!…