Për profesionistët sot, faktorët që ndihmojnë në përcaktimin nëse një punë është e duhura, shkojnë përtej përfitimeve dhe pagës.
Ajo, që njerëzit presin nga punëdhënësi i tyre, ka ndryshuar dhe vlerat kanë gjithnjë e më shumë rëndësi, për ata që kërkojnë të bëjnë një ndryshim në karrierë.
Sipas një sondazhi të muajit shkurt 2023, të kryer nga Censuswide për llogari të LinkedIn, i cili përfshiu 1,500 profesionistë amerikanë dhe menaxherë punësimi, më shumë se dy të tretat e amerikanëve thonë se, mospërputhja e vlerave të punonjësve me kompaninë, përbëjnë problem.
Në të njëjtën kohë, kompanitë që i japin rëndësi kulturës dhe vlerave, jo vetëm që kanë më shumë gjasa të tërheqin kandidatë të përkushtuar dhe të aftë, por edhe të mbajnë talentin.
Në LinkedIn, njoftimet e punës që përmendin vlera si kultura, elasticiteti dhe mirëqenia, marrin gati tre herë më shumë shikime dhe dy herë më shumë aplikime sot, sesa dy vjet më parë.
1.Identifikoni vlerat kryesore dhe renditini sipas rëndësisë
Para së gjithash, rendisni vlerat më të rëndësishmet. Mund të pyesni veten: Çfarë ju motivon apo ju jep më shumë energji? Cilat janë gjërat që duhet të keni, për të pasur sukses dhe për të qenë të lumtur në punën tuaj të ardhshme?
2.Informohuni mbi kulturën dhe vlerat e një organizatë para të aplikoni
Në shumë rrethana, koha është thelbësore kur bëhet fjalë për aplikimin dhe gjetjen e një pune të re, por informimi mbi kulturën dhe vlerat e një kompanie përpara se të aplikoni për një punë, mund të përshpejtojë shanset për të gjetur një vend pune të përshtatshëm.
3.Përgatitni pyetje për të kuptuar rëndësinë që kompania u jep vlerave
Duhet të keni parasysh se një intervistë është një bisedë e dyanshme, prandaj sigurohuni të përgatitni një listë pyetjesh, që prekin ‘zemrën’ e vlerave të një organizate.
Gjithashtu, mund të konsideroni të kërkoni të flisni me anëtarë të tjerë të ekipit, që nuk janë pjesë e panelit të intervistës, për të mësuar më shumë dhe për të dëgjuar perspektiva të tjera, përpara se të pranoni një ofertë.
Pavarësisht nëse bëhet fjalë për gjetjen e një pune të re, kalimin në një industri tjetër ose për të bërë një lëvizje të brendshme në kompaninë ku punoni, është e rëndësishme që të zbuloni mundësitë e duhura, bazuar në vlerat tuaja dhe atë që është e rëndësishme për ju në karrierën tuaj. / Fast Company
