Nga Athina shkruan Shpetim Zinxhiria
Si sot 6.5 vite më parë në Athinë, 29 vjeçari nga Shqipëria Pellumb Marinkolaj masakrohet në stacionin e policisë lokale e Ano Patisias, duke lënë frymën e fundit më 3 gusht 2006, në spitali e Kryqit të Kuq. Ai ishte dërguar në këtë spital nga rajoni i policisë, pasi kishte vdekur në duart e dy policëve.
Kjo vrasje ka treguar dhe një herë lidhjet e rrjetit dhe institucioneve që operojnë së bashku në alternativë për të mbyllur edhe këtë vrasje. Nga policët që mbulojnë vrasësit kolegët e tyre, mjekët ligjor dhe prokurorët, të gjithë sëbashku vepruan në fshehtësi për të fshehur një vdekje të dhunshme, me shpresën se ngjarja do të varroset në mefshtësi, ndoshta duke venë bast se i vrari është një emigrant, i varfër dhe kështu mund të varroset e vërteta.
Pasi e torturuan për vdekje, policia u justifikua se ai u hodh nga dritarja e ballkonit dhe u vetvra, por lartësia e ballkonit me ate të një kati më poshtë ishte rreth 2.8 metra lartësi, ndërsa autopsia e bere në Shqipëri tregoi të kundërtën.
Familja e gjeti trupin e djalit të saj në momentet ku po varrosej në fshehtësi në varrezat e Agios Nikolaos. Për këtë gazetari Aulon Kalaja ka bërë dhe një dokumentar.
Kjo vrasje ashtu si edhe 220 rastet e tjera tregon se Drejtësia Greke vepron me dy standarte, aq sa deri më sot nuk ka denuar asnjë vrasës. Pëllumbi është viktimë e 99-të që ka gjetur vdekjen nga policia greke.
Deri më sot familja e vetme ka bërë të pamundurën por po përballet me një drejtësi të vonuar edhe djali i tyre vdiq ne duart e policisë greke në Rajonin e Policisë në Anë Patisia.
Në Ambasadë pritet familja te dera e jashtme e saj.
Më 15/05/2018, Babai i Pëllumbit sëbashku me avokat dhe te tjerë shkon ne amabasadë por u prit te dera e jashtëme e ambasadës nga një punonjëse edhe pse ambasada ishte njoftuar për këtë takim, për të marrë vesh se deri ku ka shkuar ky problem, por nuk mori përgjigje. sipas punonjeses asnjë zyrtar nuk ndodhej ne ambasadë…
Ministria mjafohet vetëm me një deklaratë të bërë 5 vite më parë.
Në 2018 Ministria Punëve të Jashtëmë nën presionin e opozitës u mjaftua vetëm me një deklaratë të asaj kohe, duke theksuar midis të tjerave se: Në kontaktet e deritanishme me autoritetet greke, bëhet e ditur se ekzistojnë pamjet filmike të ngjarjes…Ambasada e Republikës së Shqipërisë në Greqi ka kërkuar nga pala greke bashkëpunimin e menjëhershëm dhe maksimal të të gjitha organeve ligjzbatuese dhe do të ndjekë në vijmësi këtë çështje…
Por deri më sot asnjë gjë !
Le të qendrojmë tek fakti se, sa kushton nga policia greke jeta e një emigranti?
Shumë vdekje, shumë padi dhe asnjë drejtësi.
Vdekje në Greqi që vijnë nga “shpërthimet aksidentale”, “rrethanat e pashpjegueshme”, “shkaqet patologjike”, “vetëvrasjet e pashpjegueshme” etj.
Në këto vrasje nuk përfshihen shqiptarë të vrarë nga shkëmbimi i zjarrit me policinë…
