Kryeministri Edi Rama ka ndalur ditën e sotme në Kavajë për të mbështetur Redjan Kralin për kryetar bashkie.
Por, si në çdo qytet tjetër ai ka shpërthyer në fyerje dhe etiketime për rivalët.
Rama u shpreh se kandidati i koalicionit “Bashkë Fitojmë” në Kavajë, ka hyrë në garë për të mbrojtur hallet e dyshes Rama-Meta.
“Sot dua t’ju kujtoj se këtu ku jemi ne, ku ne kemi ardhur në fillim në Kavajë, ishte një rrugën, këto pemë të bukura nuk ishin, ky bulevard i shtruar me gurtë nuk ishte. Të gjitha këto shtëpi ishin, por ishin shëmbëlltyra e rrënimit dhe kjo ishte pamje dhe gjendja e rrugës kryesore të Kavajës, pjesa tjetër ishte një tmerr, që u vinte vërdallë atyre dy gishtave, u kujtohen ato dy gishta. Ato dy gishta ishin si një sfurk, që e kishte marrë peng Kavajën.” – tha Rama
Kreu i qeverisë edhe në Kavajë fyeu kandidatin e opozitës duke e quajtur një gërdallë.
“Është një maskë e atyre të dyve dhe për turpin e tij, për turpin e familjes së tij, ia ka dhënë fytyrën për maskë dy njerëzve, të cilët sot janë turpi i Shqipërisë. Nuk janë turp se e them unë, unë kam bërë shumë beteja, sidomos atë gërdallën e madhe, por s’i kam thënë turp i Shqipërisë, por sot e them këtë fjalë që nuk jam unë që e kam përcaktuar, por e përcakton si turp i Shqipërisë damka që i ka vënë në lule të ballit aleatët tanë më të mëdhenj”- u shpreh ai.
Kryesocialisti e quajti kandidatin e subjektit të tij politik si një shalqi me provë.
“Redi është shalqi me provë, kurse ata janë mos e pyet se çfarë janë, gjeni vetë se çfarë janë. Redi nuk është i rënë nga qielli, nuk është pa të meta, por është njeri që i ka ndenjur punës mbi kokë”, tha Rama.
