Kryetari i Partisë së Lirisë, Ilir Meta iu përgjigj po me ashpra të ashpra Edi Ramës pas deklaratave të këtij të fundit ku i drejtohet me “Like Floriri” në takimet elektorale.
I ftuar në “Çim Peka Live”, Meta e quajti Ramën palaço dhe u shpreh se floririn e dinë të gjithë që ndodhet në Surrel dhe jashtë vendit në banka off shore.
Meta kujtoji se falë tij Rama u zgjodh në krye të bashkisë së Tiranës në vitin 2000, 2007 si dhe erdhi në pushtet në vitin 2013.
“Në vitin 2000, ish-drejtuesi i opozitës atëherë akuzonte se qeveria kishte vjedhur floririn në Krrabë. Unë kam nxjerrë urdhrin si kryeministër të verifikohet floriri te Banka e Shqipërisë. Kanë bërë verifikimin fizik dhe kthyen përgjigje që nuk ishte prekur. Pasi ka ardhur kjo përgjigje kam detyruar Bankën e SHqipërisë dhe Ministrinë e Brendshme të bëjnë verifikim fizik dhe ka dalë ajo që ka dalë.
Kjo çështje e këtij palaço.
Kam një pyetje për çdo socialist e di shumë mirë që kjo histori e vitit 2000 dhe ky palaço në vitin 2000 u bë kryetar i bashkisë së Tiranës. Në vitin 2007 u bë prapë. Në vitin 2013. Në 2017 kur u bëra president. Nga 2013 e kishte Ministrinë e Brendshme, me Saimir Tahirin dhe kompani pse nuk e hapi këtë çështje. Floriri e dinë të gjithë është në Surrel. Floriri është tek 400 milionë eurot e inceneratorëve.
Unë denoncimet e mia i bëj me emër me mbiemër dhe me numra llogarie”, tha Meta.
