Tritan Shehu/ “Parlameti” i Ramës-një parlament pa opozitë! 11 shkurti-Lëvizje Popullore

Tetë deputetë të opozitës përjashtohen sot në grup, duke çuar numrin e tyre në 13 për dy javë!
Një vendim ky i të ashtuquajturit “sekretariat etike”, krejtësisht pa etikë e përgjegjshmëri.
Sepse etika në themel të saj ka respektin ndaj kolegëve, rregullave, procedurave.
Të gjitha u shkelën sot nga maxhoranca në këtë sekretariat:
1-Vendimi u muar në kundërshtim me rregulloren që përcakton:
Se mbledhja e këtij sekretariati duhet të organizohet brenda 48 orësh nga propozimi.
Propozimi ishte i datës 2 shkurt…sot jemi 8 shkurt!
2- Kërkesa për atë masë përjashtimi të 8 deputetëve për 10 ditë, ishte bërë nga 7 deputetë të mazhorancës, pa parqitur asnjë provë individuale.
3- Për më keq asnjë nga akuzuesit nuk ishte prezent sot në atë mbledhje sekretariati, për të dhënë shpjegime, përgjigjur pyetjeve, etj.
Në fakt askush nuk paraqiti ndonjë provë konkrete për deputetët.
Çdo gjë ishte veçse një farsë dënimi kolektiv e urdhëruar, që synonte të godiste opozitën, dëmtonte atë, t’i mbyllte gojën asaj.
E pa ndodhur kjo në këto 30 vite demokraci e parlamentarizëm.
Duke tentuar t’i ipet kështu një goditje tjetër parlamentarizmit e si pasojë demokracisë.
Maxhoranca “ëndërron ” veçse të ketë një Parlament pa opozitë, një ngjyrësh.
Ose dhe me një pseudo opozitë të emëruar nga ajo vetë.
Në këto kushte kur parlamentarizmi “po vdes”, ka vetëm një rrugë për të evituar më të keqen:
–Ajo është „Rruga“, mobilizimi i njerëzve për kundërvënie, një lëvizje popullore!
Prandaj 11 Shkurti ka rëndësi të veçantë.