Mbas tërmetit që shkaktoi mijëra viktima dhe të plagosur në Turqi e Siri, ka reaguar edhe deputeti, njëkohësisht kandidat i opozitës për bashkinë e Tiranës, Belind Këlliçi, i cili ka shprehur solidaritetin dhe ngushëllimet e tij për rastin tragjik.
Ja postimi i tij:
Trishtim të madh sjellin lajmet nga Turqia dhe Siria, ku tërmeti ka marrë shumë jetë njerëzish. E dimë sa orë e vështirë është për popullin turk dhe lutem për viktimat e jemi në krah të familjeve të tyre. Uroj që të lënduarit të shërohen shpejt e pasojat të mos rëndohen!
Në këtë ditë, nuk mund të mos kujtojmë sa afër na u gjendën miqtë tanë dhe qeveria e Turqisë, kur ne u përballëm me të njëjtën dramë në nëntor të vitit 2019. Sot është dita të gjithë të lutemi për Turqinë, Sirinë dhe gjithë të prekurit nga kjo tragjedi 🙏🏻
