Ministrja e Financave dhe Ekonomisë, Delina Ibrahimaj, ka përcjellë në rrjetet sociale njoftimin e kalimit ditën e djeshme në Kuvendin e Shqipërisë të projektligjit për auditimin e brendshëm në sektorin publik.
Ja shënimi i saj:
Miratuam sot projektligjin për auditimin e brendshëm në sektorin publik i cili synon forcimin e disiplinës financiare, rritjen e kontrollit, transparencës, por edhe pavarësisë.
Ne besojmë fort se çdo njësi publike ka nevojë për një shërbim të pavarur të auditimit për të siguruar shërbime më cilësore ndaj qytetarëve.
Ndaj rishikimi ligjor ofron mundësinë për t’i ardhur në ndihmë të grupeve të interesit dhe mjetet efektive standardet më të mira të aplikohen gjerësisht dhe me korrektësi.
