Me një status në rrjetet sociale Kolegji i Kirurgëve të Kosovës (Kosova College of Surgeons) njofton se ka shpallur kirurgun e Qëndrës Spitalore Universitare “Nënë Tereza” Prof.Dr Arben Beqiri një nga anëtarët e Nderit të atij Kolegji:
Ja njoftimi zyrtar:
Anëtarët e Nderit të Kolegjit të Kirurgëve të Kosovës
Kolegji i Kirurgëve të Kosovës ka përcaktuar që Anëtarësia e Nderit t’u dedikohet personaliteteve të cilët (a) kanë reputacion ndërkombëtar në fushën e kirurgjisë ose mjekësisë, ose (b) kanë kryer shërbime të shquara humanitare, veçanërisht në fushën e shkencës mjekësore dhe c) kanë kontribuar në zhvillimin e Kolegjit të Kirurgëve të Kosovës.
Kështu, gjatë secilit Kongres, në Ceremoninë e Hapjes, shpallen Anëtarët e Nderit të atij viti të Kolegjit të Kirurgëve të Kosovës, gjersa gjatë Kongresit të Dytë Klinik, të mbajtur me 15 Shtator 2022, janë shpallur dymbëdhjetë Anëtarët e Nderit.
Prof. Dr. Arben Beqiri është njëri prej Anëtarëve të Nderit të KCS-së. Dr. Beqiri është Pedagog i Fakultetit të Mjekësisë në Universitetin e Mjekësisë si dhe Kirurg në Qendrën Spitalore Universitare “Nëna Terezë”.
Gjatë zhvillimit të tij profesional, Dr. Beqiri është i pari që ka prezantuar endoskopinë terapeutike në shërbimin e urgjencës së kirurgjisë digjestive, me ndihmën dhe mbështetjen e Fondit Shqiptar të Shëndetit. Përveç kësaj, ai ka prezantuar teknika dhe metoda të reja të kirurgjisë laparoskopike minimalisht invazive në Shqipëri.
Më shumë rreth karrierës së tij: https://koscs.org/sq/dr-arben-beqiri/
Në Kongresin e Dytë Klinik, Dr. Beqiri ka marrë pjesë me dy prezantime.
Në foto: Prof. Dr. Arben Beqiri.
https://www.facebook.com/100057824342792/posts/pfbid02NXN9GCTiYWbinFgKLVYiiaBAiLYj5qh33FWKaSkLkaK4cXU1PMTWHHT54kuch1KRl/?mibextid=Nif5oz
