Mbas 32 vitesh po sjell në vëmëndjen tuaj një ndodhi, ndoshta dikush akoma e kujton.
Këto trakte 100.000 copë, i kam futur në Shqipëri me 2 Shkurt 1991 në mënyrë klandestine nga Bari-Itali…
Atëkohë shqiptarët ishin zgjuar nga letargjia, por ende kërrcisnin zinxhirët e diktaturës.
Theksoj se ishte 2 shkurt 1991.
Traktet kishin një thirrje të Mbretit të Shqiptarëve Leka I, I cili ju drejtohej bashkatdhetarëve për t’u ngritur në këmbë e për të nxjerrë nga trojet Iliro-Dardane regjimin sllavo-komunist.
Këto trakte, te Shkëmbi Kavajës, ka dalë dhe i ka marrë im atë Akili, me një person tjetër me motor.
Për pak ditë, janë shpërndarë në gjithë Shqipërinë.
Me 6 Shkurt 1991 gazeta zyrtare e Partisë së Punës “Zëri Popullit” shkruante se njerëzit e Leka Zogut kanë futur trakte në Shqipëri…etj,etj.
Kuptohet që shkrimi ishte plot sharje dhe akuza natyrisht.
Komunistët më kishin dënu me vdekje….
Më shumë për këtë ndodhi mund të thotë z.Gjergj Thanasi.
Jam krenar për atë që bëra.
Foto-1 Trakti.
Foto-2 takim me babën Akilin, mbas disa vitesh.
Foto-3 duke festu rikthimin në shtëpi në Itali, me bashkëshorten Mimozën.
