Dje, Policia e Shtetit festoi 110 vjetorin e krijimit të saj dhe ka patur shumë ceremoni e urime.
Me një status në rrjetet sociale, ka reaguar edhe ish ministri i brendshëm Flamur Noka.
Midis të tjerave ai shkruan se, 110-vjetori i themelimit të Policisë së Shtetit e gjeti Policinë si vetë Shteti, përtokë.
Ja postimi:
110-vjetori i themelimit të Policisë së Shtetit e gjeti Policinë si vetë Shteti, përtokë.
Ndjej keqardhje që Policia e Shtetit, pavarësisht punës dhe sakrificave të mijëra efektivëve të keqpaguar, të martirëve dhe drejtuesëve të saj ndër vite, po degradon në polici private.
Sot Shkodra u zgjua me një shpërthim tritoli. Shefi i Hetimit të Krimeve në Shkodër është në shënjeshtrën e krimit. Policia po goditet ndërsa kryeministri iu shtron darkë për t’i joshur në krim elektoral. I fton ta ndjekin pas në planin e tij, në vjedhjen që planifikon. I fton të vrasin së bashku votën e lirë dhe ëndrrën për ndryshim.
Ministri kukull nuk ndihet. Shqiptarët i kanë harruar emrin. Bledar Çuçi quhet.
Do ju kujtohet në zgjedhje.
Populli opozitar nuk do të lejojë që Edi Rama ta bëjë kurban Policinë e Shtetit për një mandat korrupsioni. Kjo do të jetë darka e fundit e ndarjes së thelave për këdo që mendon se pushteti apo uniforma i jep imunitet të përjetshëm përpara ligjit!
