Neutrale.al e kishte njoftuar para tre ditësh përzgjedhjen dhe pjesëmarrjen e të talentuarit Xhieldo Hyseni në konkursin e zhvilluar nga “Teatri Social i Como-s”, në Itali.
Dhe sot vjen lajmi i bukur se: Artisti i Teatrit të Operës dhe Baletit, Xhieldo Hyseni, është shpallur fitues në konkursin e prestigjioz për këngëtarët e rinj lirik “AsLiCo”, të zhvilluar nga “Teatri Social i Como-s”, në Itali.
27-vjeçari arriti të rrëmbente mes shumë konkurrentëve rolin e Salastros për veprën operistike të Mozart-it “Flauti magjik”, në finalen që u mbajt të dielën e 8 janarit, për ta interpretuar atë në teatrot e Lombardisë.
Lajmin e bënë të ditur Drejtoresha e Përgjithshme e TKOB-së, Abigeila Voshtina, e cila e uroi për arritjen dhe u shpreh krenare.
“Promovimi i të tilla talenteve përtej kufijve iu hap rrugën këngëtarëve të rinj, me aftësitë e duhura, të zgjerojnë horizontin dhe të rriten si nga ana artistike, asht edhe ajo profesionale”, tha ajo.
Përgjatë maratonës 3-ditore, në edicionin e 74-t të këtij konkursit, Shqipëria u përfaqësua nga tre të rinjtë e TKOB-së, Rovena Xhelili, Xhieldo Hyseni dhe Bledar Domi, në bashkëpunim me Rame Lahaj International Opera Festival (RLIOF) dhe me kujdesin e veçantë të drejtorit Artistik të RLIOF-it, Ulpiana Aliaj.
