📍Hakerat iranianë kanë publikuar dje në një kanal komunikimi me 4200 ndjekës një material 1.7 giga me të dhëna të sistemit Memex. (Sistemi që konsiderohej më i sigurti dhe më i rëndesishëm në polici).
Kjo nuk është situatë që mund të bëhet politikë me këtë por patjetër duhet ngritur shqetësimi në mënyrë që organet e rendit të vendosen para përgjegjësisë që të mos merren me mjekrën e punonjësve të policisë por të marrin masa për garantimin e rendit publik.
📍Publikimi i të dhënave të hedhura në sistemin Memex rrezikojnë dekonspirmin e cdo hetimi policor, rrezikon jetën e informatorëve, rrezikon jetën e zyrtarëve të policisë që kanë hedhur informacionin në atë sistem.
📍Veç rrezikut të jetës që i kanoset gjithësecilit qoftë edhe brenda grupeve kriminale, kemi të bëjmë edhe me shkatërrimin e punës së policisë së shtetit. Policia e shtetit duhet të reagoj menjëherë në disa drejtime.
📍E para të ruaj jetën e të gjithë atyre që rrezikojnë pas publikimit të këtyre informacioneve.
Të mbajnë nën kontroll personat që mund të pastrojnë veprat kriminale pasi nësojnë se kanë rënë në gjurmim nga policia.
Të mbaj nën kontroll personat që mund të tentojnë largimin nga Shqipëria pasi të mësojnë se janë afër arrestimit.
Dhe gjithashtu të marrin masa për mënyrën sesi do ruajnë të dhënat.
📍E përsëris, sistemi MEMEX konsiderohet si një nga më të sigurtit në shtetin shqiptar ndaj duhet të kuptojmë që në momentin që hakerat kanë depërtuar aty, ata mund të kenë në dorë çdo të dhënë të qytetarëve tanë. Ndaj edhe reagimi duhet të jetë i menjëhershëm. Të ndryshohen formulat, skemat e çdo gjë që ka të bëj me informacionet e qytetarëve.
