Rita Ora, tashmë edhe e dekoruar nga Presidenti i Republikës me Urdhërin “Naim Frashëri” krijoi një atmosferë të zjarrtë mbrëmë në Sheshin “Skënderbej”.
Sajuar si veshje një flamur kuqezi, Rita Ora e nisi koncertin me këngën ‘Ritual’, të cilën e ka në bashkëpunim me DJ Tiesto.
Para mijëra vetëve në shesh ajo tha, se “do të shijoj çdo minutë të këtij koncerti. Ju falënderoj që keni dalë nga shtëpia sonte për të më ndjekur”.
Koncerti në sheshin “Skënderbej”, u organizua me rastin e shpalljes së Tiranës, Kryeqyteti Evropian i Rinisë 2022.
Rita Ora interpretoi këngët më të njohura të repertorit të saj dhe mbas çdo interpretimi u prit me ovacione.
Jo vetëm Rita Ora, në skenë u ngjitën edhe artistë të tjerë si Kida, Ronela Hajati, Semi Jaupaj dhe Efi Gjika, të cilat me interpretimin e tyre, thyen për disa orë trishtimin e kryeqytetit shqiptar në këtë kohë krizash.
