Pushteti ka ligjëruar një pronë publike në favor të një tregtari në rastin më semplist( thjesht)
Tregtari akoma nuk e ka thënë se çfarë Kryeqeveritari ka kërkuar në shkembim të një prone që nuk është as e kryeministrit pavarësisht prerogativave kushtetuese dhe normalisht, dhe as e tregtarit.
Të dyja palët deri tani kanë qënë të relkasuar në paligjshmëri. Vetë kapo me tao-t e nënrenditur kanë shkembyer afekt e dashuri jo vetëm në oda, pishina e bankete, po dhe ashiqare, nderkohë i pari i demtuar por gojëmbyllur ka qënë pronari i vertetë i ranës, truallit, hapsires. I dyti vjen tregtari.
Histori e përsëritur me teatrin, me plantacionet e droges, me kullat, inceneratorët, me porte, aeroporte, satelitë, i gjithë hardweari i PPP e deri tek banesat, prona më minimale e individit.
Minimale, sipas gramatikes së Hegelit, që njeriu duhet posedojë për me qënë person. (Sipas filozofit individi fillon të interesohet për “polein” pra politiken jeten komunitare e qytetare, kur posedon diçka qoftë dhe minimale si banesa.)
Jemi në fabulen ku Fausti iu dorëzua Mefistofelit për të qënë i sherbyer m’atanë kohes biologjike.
Pakti mbetet aty.
Po ndersa Kryevepra e Gëtes sjell kënaqësi estetike, reflektuese e utilitare për njerëzimin, njerëzimi ynë shqyhet mes vedi sipas narratives që ofrojnë ato vizive, rrjetor apo në print.
Është mjerim kur takati i të menduarit ka rënë në këtë shkreti.
Nëse politika dhe vetë mediet e kanë një arsye jo-ekzistenciale të perfshihen, publiku jo.
Publiku do pronen e grabitur se pari nga Qeveria në dobi apo favor të dikujt.
Këtë publiku duhet ta kerkojë tek një institucion tjetër që kushtetutshmerisht nuk tërhiqet për hunde nga “patronazhistet” as të PS as të ndonjë tjetri nga rruga e Elbasanit. Pra Drejtësia.
Njësoj si tek leku “i paguhet prurësit me të parë” Drejtësia e di kush është grabitësi i parë i prones publike.
Tregtari është në rastin më të mirë viktima e mashtrimit te Qeverise.
Koflikti tjeter është parimor, demokratik dhe politik.
Mendoj ta lëmë këtë konflik të zhvillohet mes medies së lirë dhe “mefistofelit” qeveritar.
Rroftë liria e medies.
Po sidomos ajo e mendjes së lirë.
