Dje aty u konfirmua boshti antieuropeist i „Ballkanit të hapur“!
Zhvillimet dy ditore të ”Samitit” për “Ballkanin e hapur” tentuan të krijonin një goditje të rrezikshem për aspiratën europiane të shqiptarëve e Rajonit!
Çdo gjë në Beograd, organizimi, pjesemarja, te ftuarit, fjalimet, mesazhet etj, ishin sinjale anti europiane e anti perëndimore, një shtysë për drejt Lindjes!
Aty u anatemua e denigrua BE e Perëndimi.
Të shoqeruara këto me kontestimin e konceptit integrues “Ballkan Perëndimor ”, thirrjet izolacioniste se “Ballkani duhet t’i dalë vetë zot Ballkanit” etj, janë një sinjal alarmi për të ardhmen europiane të shqiptarëve e Rajonit!
Ky ishte leitmotivi i atij takimi plot mllef ndaj Europës e “fytyrë ” drejt Lindjes.
Mjafton të lexoni një frazë nga Rama, për të kuptuar pozicionin e tij:
“E kujtojmë mjaft mirë se si vendet e Ballkanit përgjatë pandemisë kanë qenë të detyruara të orientohen nga Rusia e Kina, pasi BE u soll në mënyrë të turpeshme ndaj nesh”
Qëllim qartësisht provokativ ky ndaj Brukselit, pikërisht për të penguar rrugën tonë të integrimit, tashti që u hapën edhe negociatat.
Sepse Vucic, Rama, janë antieuropeistë.
Ata si autokratë kanë frikë nga integrimi europian, nga Perëndimi, nga demokracia perëndimore.
Lindja, është djepi dhe streha e tyre, si i autokratëve në tërësi.
“Ballkanin e hapur” të Vucic, ata e përdorin si një instrument pushteti për të realizuar qëllimet e tyre, ndesh këto me interesat tona kombëtare e historike.
Të tjerë kërkojnë ta përdorin “Ballkanin e hapur” si mjet presioni mbi BE, apo si mundesi realizimi të reminishencave e interesave të tyre të vjetra.
Pozitive ishte vetëm fakti që ai Samit u bojkotua nga Brukseli!
Por nuk mjafton me kaq!
Ka ardhur koha, që BE dhe ShBA të kuptojnë se çdo qëndrim i dyzuar, i bazuar edhe mbi shpresa iluzive se kështu mund të largojnë Serbinë nga Rusia, shtojnë rreziqet e nesërme për Rajonin tonë dhe ata vetë.
Mbas Beogradit të djeshëm nuk besoj se ka më vend për mëdyshje e retorika të përgjithshme.
