“Korrupsioni është krimbi i lirisë”.
1.Është koha që partitë politike opozitare ta qartësojnë vizionin e tyre dhe përcaktojnë se cila është rruga reale e përfaqësimit .
2.Janë shumë probleme që PD dhe opozita duhet ta lëvizin,ta motivojnë , për t’u përgatitur për zgjedhjet vendore ,ndryshe freskimet joreale apo zëvendësimet në politikë mbi bazën e luftës për të marrë privilegjet që realisht nuk i përfaqësojnë janë të dëmshme dhe pa interes për elektoratin e djathtë.
3.Drejtuesat e kësaj partie politike i kanë boxh anëtarësisë së saj ,që t’i përgatisin një ambient të sigurtë për të realizuar synimin që në zgjedhjet lokale të hyjë me freskim e reformim dhe një program për t’i fituar këto zgjedhje lokale.
4. Kryetari i PD-së dhe opozita duhet të krijojnë hapësirën , pasi ka ardhur koha që politika reale t’i lëre vendin arsyes e racionalitetit ,për të mbyllur shtegun për dinakët e të pabesët, ,kur gjendet në mes dinakërisë dhe besimit të verbër.
5.Jetës politike në Shqipëri nuk i duhen zëvendësimet apo freskimet në emra ,por i duhen freskime që i sjellin cilësi politikbërjes ,me baza programore dhe përfaqësuese, në ndërtim të një shteti demokratik, i cili zbret deri në elektotatin e ndershëm kudo në bazë, si dhe në shpërndarjen e pasurisë elektorale e zgjerimin për të gjithë njerëzit ,por jo vetëm tek të privilegjuarit partiake.
6.Dështimet në luftën kundër korrupsionit apo përceptimit qytetar për të ,me të vërtetë na bëjnë të gjithëve si shtetas këtij vendi të ndjehemi shumë keq, kur raportet ndërkombëtare e vënë Shqipërinë në fund të tabelës.
7.PD -ja ka kapacitetin ,guximin e dijën për ta tejkaluar këtë gjendje, ndryshe do ta ketë mjaft probleme në zgjedhjet lokale ,pasi objektivi i qytetarëve të këtij vendi është , për të ecur drejt integrimeve në BE, i cili po cënohet nga bërja e hapave fallse politike, nga moskonsolidimi i demokracisë, shtetit të së drejtës, zhvillimit ekonomik dhe reformave në të gjitha fushat, me një sistem gjyqësor të brishtë e në shumë raste edhe të korruptuar, me arsim ku dija blihet e nuk fitohet, ku për çdo ditë shkelet shtresa e mesme dhe e varfër e shoqërisë.
8.Në një vend ku çdo ditë ngrihen apo publikohen të dhëna se ky zyrtar apo ai zyrtar dyshohet për shpërdorim të detyrës zyrtare eshte e vështirë të arrihet edhe besimi i qytetarëve.
9.PD –ja duhet ta qartësoj vullnetin e saj në gatishmërinë për të ndryshuar këto gjëra dhe me këtë qartësi fitoren në zgjedhjet lokale nuk do ta ketë të vështirë.
10.Realiteti politik sot në Shqipëri kërkon ,ndershmëri, përkushtim, familje ,mbështetje, vlera intelektuale dhe qytetare, besim ,vullnet dhe shpresë.
