RRËFENJËZA NGA AMERIKA:
EMËR PËR NJË KALË
Shumë kohë më parë në Angli, një sportist shkoi në stadiumin e garave të kuajve për të fituar çmimin më të madh. Ai kishte një ditë të vështirë dhe ishte vërtet i lodhur dhe pa shpresë në garën e fundit. I rraskapitur, nuk mund të ishte i sigurt se në cilin kalë të vinte bast. Kështu, bukuroshja që e shoqëronte dhe ishte në shoqërinë e tij, vuri bast në emër të tij. Bukuroshja zgjodhi pa hezitim një kalë të bukur dhe të pashëm, që ajo e pëlqeu me shijen e saj femërore.
Natyrisht, nuk ishte problem për një zonjushë që kali bukurosh që ajo vuri bast në emër të mikut të vet, nuk kishte fituar kurrë ndonjë garë. Për të, ai kalë ishte më i miri. Në gjuhën e pistave të garave të kuajve, kjo ishte vetëm një reklamë. Sidoqoftë, në këtë situatë, i nxitur nga instikti i fitimit, sportisti anglez vendosi të gjitha paratë me synimin që kali i tij të fitonte.
Nesje, sikurse edhe juve e kuptoni, kali në fjalë nuk fitoi, por anglezi që besoi bukuroshen, pagoi një shumë të madhe. Ai ishte pranë rrënimit ekonomik. Me ndjenjën e fatit të mirë, ky njeri emigroi në SHBA, u vendos në Kaliforni dhe u fokusua në biznesin e shitblerjes së pronave të palujtshme.
Ai eci përpara dhe u bë shumë i suksesshëm.
Blinte dhe blinte….
Përfundimisht, pas një suksesi të dukshëm, ai vendosi t’i japë një emër pasurisë që tashmë kishte krijuar.
Anglezi kujtoi pikërisht atë moment që ai vuri bastin tek kali që nuk fitoi, por që e nxiti atë të kapërcente oqeanin dhe të bënte të mundur gjithë këtë të vërtetë.
Sikurse ju mund ta kuptoni, pikërisht nga ky moment investimi, u lind një qytet i njohur dhe i glorifikuar në gjithë botën.
Ju, kurrë nuk do të mund të kujtoni emrin e bukuroshes që vuri bastin për kalin që nuk fitoi, por ju nuk mund të harroni emrin: Hollivud.
(Nga libri i përkthyer në shqip prej gazetarit e shkrimtarit Shefqet Meko “Çuditë e Amerikës”-Wondering of America)
