Përktheu e përgatiti Shefqet Meko.
NJË TJETËR RRËFENJEËZ AMERIKANE SI NJË “ASPIRINË” PËR KAKOFONIËE SHQIPTARE:
PANTALLONA PËR SHITJE
Ai ishte një hebre emigrant nga Alpet Bavareze në Gjermani. Prindërit e tij kishin vdekur. Ai ishte i lodhur dhe i mërzitur nga puna, ndërkohë i vëllai kishte shkuar në Amerikë. Duke mos pasur më arësye të qëndrojë në Gjermani, Strauss bleu një biletë me një drejtim për në tokën e mundësive të tij.
Ai ishte i kënaqur të takonte vëllain në Nju-Jork,por ndërkohë u habit që vëllai nuk ishte veshur me rroba të mira dhe ndërkohë u zhgënjye kur pa se ai punonte thjesht si shitës ambulant. Por kjo punë e rëndomtë u bë edhe shansi i tij. Ai shpenzoi 3 muaj të mësonte tregun dhe një anglishte të mjaftueshme. Duke belbëzuar me klientët, ai kuptoi se në Kaliforni kishte flori dhe biznes të madh. Fantazia po punonte. Vendosi të lëvizte. Bleu gjilpëra, penjë, gërshërë,gishtoja dhe sasi të mëdha kanavace prej France që quhej denim. Kjo do të ishte lënda e pare e biznesit të vet për të bërë tenda në Kaliforni.
Kur Strauss arriti në San-Francisko, ai mundi t’i ekspozonte materialet e tij për tenda.Por i pari punëtor që erdhi dhe vizitoi “dyqanin” nuk kërkoi tenda, por kërkoi pantallona të gjata,me material të fortë,me xhepa ekstra dhe të tendosur ku mund të mbante të sigurt gurët e çmuar. Kështu Strauss bëri pantallona denim, në vend të tendave dhe i shiti në ditën e parë. Ai hapi dyqanin e vet dhe shpejt tregëtoi pantallonat më të forta në botë.
Kjo tregëti ambulante u bë pjesë e dukshme e Perëndimit, saqë kur ai vdiq, nekrologjia e tij ishte në faqen e parë të gazetës së San-Franciskos. Dhe 100 vjet pasi ai la Gjermaninë, kompania e tij u rrit dhe u zhvillua fuqishëm. Tani kudo në botë shiten pantallona me emrin e njohur: LEVI’S.
