Nga 2015-a humbëm 80 mln euro çdo vit, Gjirokastra sa gjysma e Dibrës ka 4 njësi”, Balla mos të na intimidojë!
Reformës Territoriale ka nxjerrë në pah disa nga problemet që prodhoi ndarja e 2015 në 61 bashki, në të gjithë vendin.
Ndarja territoriale favorizoi shpopullimin e zonave rurale dhe rrënoj bujqësinë.
Nuk u përdor kriteri i jo më pak se 10 mijë banorëve, nuk janë në propocion ndarjet në Jug dhe në Veri!
Balla të mos intimidoj komisionin e reformës teritoriale!
Fjala sot në komision!
Zonja Denaj, Së pari jeni bashkëkryetare dhe nuk mund të luani rolin e komandueses në këtë komision!
Sot nuk jemi në një situate normale pasi kemi filluar me vones, duhej të fillonim në shkurt të këtij viti dhe së dyti jemi të kufizuar nga zgjedhjet vendore të 2023.
Unë besoj se duhet ta shfrytëzojmë intensivisht kohën dhe skemi pse i delegojmë gjërat për javën që vjen!
Ne kemi ardhur për të prezantuar një draft-axhendë për një reformë territorial siç e meritojnë qytetarët, pra si vendet e rajonit dhe të BE-së.
Do dëshiroja që ky komision të ketë një fat ndryshe nga Komisionet që janë bërë deri më sot.
Do dëshiroja që kjo reforme të ketë angazhimin maksimal për të përfituar një pushtet vendor autonom, të pavarur, të decentralizuar, me kopetenca dhe me shërbime sa më afër qytetarëve!
Në një farë mënyre ndihem pak mirë, nga përfaqësimi juaj si ishministre e Financave, pasi pushteti vendor është më keq se para 2015, dhe duhet reforma decentralizuese që ka nevojë jo vetëm për zërin e specialistëve por dhe të qytetarëvetëcilët e mezi presin..
Reforma e 2014 ka dështuar!
Nuk ka ndodhur siç pritej, kemi administratë 3 herë më shumë se në 2015 dhe nuk janë kuryer ato 80 milionë euro për pushtetin vendor, përkundrazi është 4-fishuar fondi i pagave në dëm të taksapagueve qytetarë!
Nuk u delegua asnjë kopetencë, përveç nja 5 kompetencave të vitit 2017 ku në fakt nuk janë kopetencë por kosto shtesë për bashkitë.
Tjetër problematikë që ka patur kjo reformë është se ka pasur disproporcion në ndarjen e zonave.
Ka qenë me dysheme jo më pak se 10 mijë banorë për 1 njësi vendore dhe në fakt kemi mbi 12 njësi poshtë limitit 10 mijë banorë për një njësi vendore!
Po marr vetëm rastin e Dibrës që është një nga rrethet me sipërfaqen më të madhe gjeografike dhe ka vetëm një njësi vendore ose nga 15 njësi vendore që kishte ka vetëm një njësi vendore!
Qarku i Gjirokastra sa gjysma e qarkut Dibër ka 7 njësi vendore, ose Përmeti e Tepelena sa gjysma e dibrës kanë 4 njësi vendore?!
Ka pasur probleme të jashtëzakonshme në zonat rurale, sepse qenia në distancë e shërbimit ndaj qytetarit ka prodhuar shpopullimin.
E keqja tjetër më e madhe është se mijëra hektarë tokë është lënë djerrë duke e asfiksuar bujqësinë.
Këto problematika do t’i konsumojmë edhe më tej.
Por unë jam totalisht skeptik për këtë komision sepse ndryshoni qëndrimet në mënyrë permanente.
Edhe kryetari i Grupit të PS tha para tre ditësh se duam bashkëpunim me opozitën për të vendosur së bashku për rritje apo ulje të numrit të njësive vendore, por më vonë intimidon komisionin duke thënë që nuk do të ketë rritje të numrit të njësive vendore!
