Shoqëria shqiptare ka tejkaluar paragjykime në mënyrën e trajtimit të plot fenomeneve, por ende disa tema mbeten tabu.
Një prej tyre është fetishizmi.
Po ç’është kjo, varësi kalimtare apo sëmundje?
Çrregullimi fetishist është një tërheqje e fortë seksuale ose ndaj sendeve të pajeta ose ndaj pjesëve të trupit që tradicionalisht, nuk shihen si seksuale.
Termi “fetishizëm” buron nga fjala portugeze feitico, që do të thotë “magjepsje e fiksuar”.
Fetishizmi bie në kategorinë e përgjithshme të çrregullimeve parafilike, term i cili i referohet tërheqjes së madhe seksuale ndaj çdo sendi apo personi jashtë stimulimit natyral gjenital
Fetishizmi – një fiksim seksual.
Takat e larta, të brendshmet apo një pjesë joerogjene e trupit, janë disa prej këtyre fiksimeve, të cilat për fetishistin duhet të preken apo të nuhaten në mënyrë që ai të eksitohet. Edhe pse janë ende të paqarta arsyet që të çojnë drejt fetishizmit, ai gjendet në pjesën më të madhe tek meshkujt, por pa përjashtuar femrat dhe nis të zhvillohet ose të kuptohet nga personi pas disa përvojave seksuale. Sigurisht, shumë meshkuj, por edhe femra, mund të eksitohen nga pjesë të ndryshme të trupit apo të brendshme, por jo çdokush i ka ato mjetin kryesor të joshjes seksuale. Ky është ndryshimi mes tërheqjes dhe fetishizmit. Për sa kohë një fetishist, përtej fiksimit, është i ndërgjegjshëm për të krijuar një marrëdhënie seksuale, atëherë nuk ka asnjë arsye pse ky mjet joshjeje të mos përfshihet në rutinën e çiftit.
